अकोला शहरातील ट्रैफिक सिग्नल झाले सुरळीत
अकोला प्रतिनिधि-आसिफ खान
अकोला शहरातील मुख्य मार्गावरील महत्त्वाच्या चौकांमध्ये उदा. अकोला शहरातील अशोक वाटिका चौक नेहरू पार्क चौक सिव्हिल लाईन चौक रतनलाल प्लॉट चौक टॉवर चौक इत्यादी ठिकाणी अकोला महानगरपालिका मार्फत नवीन ट्रॅफिक सिग्नल लावण्यात आले होते, परंतु सदरचे नवीन लावण्यात आलेले सिग्नल बरेच दिवसांपासून नादुरुस्त होते. सदर बाबत शहर वाहतूक नियंत्रण शाखा अकोला मार्फत वेळोवेळी महानगरपालिका अकोला यांना पत्रव्यवहार करून तसेच त्याबाबत पाठपुरावा घेऊन शहरातील बंद असलेले सर्व सिग्नल दुरुस्त करून सुरळीत पणे चालू करण्यात आले आहेत.
तरी शहरातील सर्व वाहतूक करणाऱ्या वाहनधारक यांनी चौकामध्ये लावण्यात आलेल्या ट्रॅफिक सिग्नल नियमांचे तंतोतंत पालन करून वाहन चालवावी सिग्नल जम्पिंग करून वाहतूक नियमांचे उल्लंघन करून वाहतूक करणाऱ्या वाहनधारकांविरुद्ध मोटर वाहन कायदा अन्वये कायदेशीर दंडात्मक कारवाई करण्यात येणार आहे. तरी नागरिकांनी वाहतूक नियमांचे तंतोतंत पालन करून वाहने चालवून वाहतूक पोलीस दलास सहकार्य करावे असे आवाहन श्री विलास पाटील, पोलीस निरीक्षक, शहर वाहतूक नियंत्रण शाखा यांनी केली आहे.
